सामान्य घटेको शेयर बजारमा ४ अर्ब ६८ करोड कारोबार

शेयर बजार आज सामान्य घटेको छ । शेयर बजार परिसूचक नेप्से आज ० दशमलव ९३ अङ्कले घटेर २ हजार ५ सय ६० दशमलव १५ विन्दुमा झरेको छ ।

आज होटल, जलविद्युत्, उत्पादन, माइक्रोफाइनान्स, अन्य र व्यापार बाहेक सबै समूहको शेयर सामान्य घटेको छ । आज १ सय ३८ वटा कम्पनीको शेयर घटेकोमा १ सय १२ वटाको बढेको छ । यस्तै ६ वटा कम्पनीको शेयर घटबढ भएको छैन ।

आज बुङ्गल हाइड्रो कम्पनीको शेयर सबैभन्दा ९ प्रतिशतले घटेको छ । बजार सामान्य घटेको दिन धौलागिरि लघुवित्त, बन्दीपुर केबलकार, झापा इनर्जी, सागर डिस्टिलरी कम्पनीको शेयर भने १० प्रतिशतले बढेको छ ।

आज नेप्से घटे पनि कारोबार रकम भने बढेको छ । हिजो ३ अर्ब ७७ करोडको कारोबार भएकोमा आज ३ सय २८ वटा कम्पनीका १ करोड ४ लाख कित्ता शेयर ४ अर्ब ६८ करोड रुपैयाँमा किनबेच भएको छ ।